Dai daumaulige Schoulmester un Heimatfrönd Friedrich Schmedt (gest. 1984) häff Anfang 1970 doföh surget, dat aine Schoultoafeln, dai nich mäh in´ne Tiet passede, an den Heimatverein göng. Dai Heimatverein mosse nu denn Lagerruhm upgierben. Wohhain mit dai Schoultoafel? Dai plattdüschke Gruppe „Dütt un Datt“, dai in´ne Grundschoule dai plattdüschke Sprauke unnerrichtet, hadden dai Idee, dat dai Toafeln sienen Platz doch wäh in dai Schoule häbben konn. Dai Schoulleitung wöh forts invöhstaun. Mit Hölpe van junge starke Heimatfrönde wöht dai schwohre Toafeln in dai Grundschoule bugseht. Nu staiht sai im Ingangsbereich os „Info-Toafeln“. Dai Kinner van dai plattdüschke Arbaitsgruppe hät sai derbe schrubbet un dorup  mault un Sprürke schriewen:

„Wi küert platt.“ un „Lienen auhne platt, is os ne Kouh auhne Stiert.“

Wi hurpet, dat dai Toafeln nu no lange Tiet iähren Platz in dai Grundschoule behöilt.